魔法草地：天然的抗氧化劑 助我們回復最自然平衡身心靈狀態
去英國9日，最少有5日都有去公園玩。返到香港唯一念念不忘嘅都係異地嘅一幅幅草，到底係咩解究呢？
甚麼是接地氣 Earthing & Grounding
人體係導電嘅，生活中嘅食玩瞓忙都影響住體內嘅電流（如：城市環境、人新陳代謝嘅一連串氣化還原反應）；電荷正負平衝，人就健康開心，反之亦然。都市人普遍都係正電荷過剩的。城市各色各樣嘅污染、長期接觸電子產品、食加工食物、工作忙、大壓力、唔夠瞓等，都會加速體內氧化反應同自由基（Free Radical）嘅形成，同時亦減慢身體排走呢啲廢物嘅能力，影響免疫系統、各身體器官嘅健康。
草地係好好嘅抗氧化劑，帶有地球表面嘅微電流，有大量自由電子，係最自然嘅帶電狀態。踩草、碌草，我哋可以直接從皮膚釋放體內多餘嘅正離子（放電）、吸收地氣（負離子），漸漸同自然接返軌，中和體內自由基（衰老、炎症、病痛、癌症主因），平衝返身體電荷。沙灘、大海同理。
接地氣好處多，包括：
- 上電：精神爽利
- 調節內分泌：減壓
- 加快傷病復原
- 抗炎
- 緩解疼痛
- 改善睡眠質素
碌草時就梗係唔會諗咁多啦。好膚淺㗎渣，就係貪草地上帶嚟嘅開心，天下無敵冇嘢可以阻礙到人enjoy the moment地放飛。就係咁都好夠了。
講緊係就咁赤腳行吓都咁好，喺上面練埋瑜伽係好上加好，係大好呀。