1. 梵咒（Mantra）是甚麼？

Mantra，梵咒，又稱「真言」、「密言」。

拆開梵咒的梵文看：「Man」 +「 tra」 = 「心靈的解脫」。

1.1 「OM」是宇宙第一震

瑜伽深信，宇宙創造之奧秘，始於音聲震動（五十梵音）。

據說，由「A」、「U」、「M」構成的「OM」音，就是宇宙第一震，是萬物的原始音。

其他音聲，都是「OM」的尾巴。

而地球現實中，梵文五十音，亦構成世界一半語言的基礎。

1.2 五十梵音

換句話說，世間萬象的顯現與變化，包括人（身、心、靈、業力）在內的自然，都包含這五十音根。 

而梵咒（Mantra），則是由呢五十個基本音所組成的特殊振波，頻率針對不同身心靈狀態。

故，唱誦梵咒嘅意義，唔單單在於個別單字/每組字字面之含意。

2. 唱誦梵咒/梵唱（Mantra Chanting）是瑜伽治療和心靈療癒？

瑜伽觀中，主控身心靈健康的，是人體三脈七輪。

而梵文五十音根，是源自身體入面最深沉細緻最原始振動嘅聲音，對應著身心靈五十種心緒（vrttis）傾向的。即是三脈七輪的能量狀態。

2.1 情緒淨化 脈輪修復

我哋去聽、唱不同梵咒（Mantra），就是做緊深層針對局部、整體身心靈能量的調頻治療、淨化。即是同坊間林林總總的「聲音治療」、「頌缽治療」原理，同出一轍。

梵唱（Mantra Chanting）會是更到位有效的身心靈療癒，是因為這種原始震動，是由自己體內主動觸發和排放出來的，猶如靈魂歸位般，心貼心般的對位治療。

每chant 一次，就幫身體振一次，一路慢慢幫自己調返好個頻率（平衡和淨化脈輪），讓強效情緒淨化與釋放自然地發生。讓身心靈亦慢慢，返去最原始、最根本、最純淨的模樣。

2.2 釋放情緒鬱結，掃走心靈垃圾

梵唱（Mantra Chanting）係meditative process。

依住一個、一連串嘅音聲，讓心順住去流，順住聽，順住唱，係一個自我覺察嘅深度練習。（試回想每次chant OM🕉 時的感知？）

呢個覺察嘅過程中，係有好多嘢同步進行的。

縱然，你physically未必感受到，你預想可能會發生嘅震撼感知。

2.2.1 梵唱是對應心輪（Anahata Chakra）的震動治療

梵唱係尤其對應心輪（Anahata Chakra） 能量淨化與提升嘅瑜伽法。而心輪，正正係連接下三輪同上三輪嘅 #靈性情感能量中樞 。

Mantra梵咒，本身就同「心事」對頻，對治我哋各色各樣嘅情緒，包括所有喜、惡、悲、痛嘅心印（Memories）。

集中、細聽、放聲唱，事實上係發生緊一連串能量反應，係好powerful嘅情緒淨化過程。

梵咒（Mantra）光是聽已經有效，喺心入面唸唱都得，唱埋出嚟更係加速清洗。係由內到外，再由外到內自我療癒嘅強效淨化過程。

2.3 關於梵唱體驗​的心態

梵唱（Chanting）嘅經驗、身感，按唔同梵咒（mantra），唔同日子，個人唔同嘅精神狀態，一班人chant/自己chant，都會唔一樣。

無論是：無感覺/瞓著覺/打喊路/喊/笑/見到畫面/光，都係內心狀態、精神健康嘅反映。

係度嘅嘢，就是一直都喺度。梵唱係助力，幫手將啲嘢浮返上面而已。

無常的，唔需要太介懷；有驚艷嘅experience，又唔使放大。

瑜伽觀相信，好多在瑜伽練習時出現的現象，都是心印記憶嚟的。

▫️一次一次踏實chant：

一啲你「以為」好想要/好重要/好困難/好糾結嘅思想、情緒、慾望，以至於一啲埋藏喺心深處一直冇處理嘅新舊傷口，都能夠逐步去排解、釋放、療癒的。

只要抱住平常心，一切都會自然發生的✨

4. 身心靈寄語

同學任何瑜伽法一樣，學邊樣都係睇緣份啊。

有練開哈達瑜伽（Hatha Yoga）嘅人去接觸梵唱（Mantra Chanting），係相對安全又順理成章嘅切入。

希望日後有機會學到梵唱、持咒嘅有緣人，都可以用一個踏實嘅平常心去體驗梵唱瑜伽（Mantra Yoga）嘅療癒力量🌟

共勉之。

相關主題文章：

【梵咒瑜伽 Mantra Yoga】強大的「心」瑜伽法

更多其他 身心靈｜瑜伽 內容分享

可到Kristen Chan's Instagram ​@breathewithkristen​ :