1. 哈達瑜伽（Hatha Yoga）
初學瑜伽的班房中，一定會學到下狗式Adho Mukha Shvanasana（Downward Facing Dog ），做好下狗式，是在為往後的瑜伽練習鋪下重要的身心基礎。 @breathewithkristen
1.1 平衡陰陽 修復脈輪
哈達瑜伽 Hatha yoga，陰陽、左右、太陽月亮嘅融合。式子、呼吸法、清洗法，經精密設計，涵蓋左右身、左中右脈嘅流動、中和與激活。
不論動態、靜態、禪定嘅式子，練習時必須使用剛剛好，不多也不少嘅力。唔揸流攤，亦唔拉爆/操爆。
任何式子，唔需要用到嘅肌肉，就唔用，要放鬆嘅，好好放鬆。
每個式子都有針對調理嘅脈輪位置。
由有意識主動呼吸，將專注力（awareness ）帶到對應嘅身體部位/脈輪位置，再配合深長呼氣，主動引流生命氣（prana）去修復脈輪、調整身體能量。
1.2 以瑜伽式子：下狗式（Downward Facing Dog）為例
雙手膊頭闊度，感覺住雙手雙腳溫柔掂住地下。
雙腳盤骨闊度或合腳，曲腳或直腳，視乎本身身體狀態/鬆緊程度，不是最關鍵。
下巴收心口，雙手輕柔推走地下，拉長兩排肋骨，坐骨推上天。
保持穩定呼吸。
以上動作，都係為進入瑜伽式子做好準備。
1.2.1 進入下狗式的覺知步驟
- 定好，調節好姿勢，開始將awareness 放喺喉嚨位置（喉輪）
- 諗住喉輪位置，深長呼氣
- keep住坐骨輕，呼氣從坐骨沿脊椎一路向喉嚨頭頂方向呼
- 手掌、腳掌嘅感知亦一直都喺度
- 覺知吸氣同呼氣經過喉嚨範圍嘅當下
- 肢體、呼吸保持溫柔和順，冇故意施壓，亦冇鬆懈
- 定在式子中保持呼吸覺知
如是，喉輪狀態會從穩定練習，
漸漸得以調整、修復與激活。
1.3 了解喉輪能量平衡的悅性狀態
喉輪主一個人嘅實語（Satya）能力。
《瑜伽經》提到的「八肢瑜伽」（瑜伽修行步驟），頭兩肢「夜摩Yama」、「尼夜摩Ni-yama」正係教導瑜伽修習者/生而為人，應有嘅心態同規範。
第一肢Yama提到嘅五條律戒：「非暴Ahimsa」、「實語Satya」、「非盜Asteya」、「梵行 Brahmacarya」、「非縱 Aparigraha 」。
其中，第二戒，實語（Satya），
意思是，身、語、意三方
都對自己、別人，真誠。
「說實語，說悅語。勿說不實的悅語，
也勿說不悅的實語。」
1.3.1 喉輪能量平衡（悅性）時：
- 聲線沉實溫柔、響亮
- 能真誠表達自我（用心說話）
- 說話有說服力/影響力
- 能善巧靈活地因應情況表達
- 少衝口而出、少廢話（鬧人、是非八掛）
2. 無上瑜伽Raja Yoga
瑜伽觀中，心輪能量平衡的身心靈（人），能真正如實接受自我，找到當下自我價值。 @breathewithkristen
2.1 先好好接受自己
順返天性做人。
用心說話背後的瑜伽首要步，是先要望清個心。
喉輪能量修復嘅過程中，生起如實表達自我、用心說話嘅心態轉變，一次一次有動力去主動望真啲個心，一次一次去了解自己多啲。
一次一次望到，下一步係逐啲逐啲接受。
望到自己係豬嘅踏實做返隻豬，
望到係魚嘅堅定做返條魚。
心願意接受自己多啲，就可以如實表達自己多啲。肯由心用言語表達自己，又係一步步幫緊個心去接受自己。
用行為、言語去改心念，由心念開始去調節言語、行為。相向的。
過程唔容易，但有開始，就有腳印。學瑜伽係無終點的。
嚟到呢度，self-acceptance，接受自己，就係實修無上瑜伽Raja Yoga嘅第一首要步了。
2.2 傳說中嘅身心靈療癒、瑜伽療癒
用行為、言語去改心念，
由心念開始去調節言語、行為。
傳說中嘅身心靈療癒/瑜伽療癒，係咁嚟的。
其他瑜伽式子，方法做啱，
其實都係對治緊不同脈輪、去做修復/提升的！
而療癒/修復效果，
當然係要從穩定練習累積返嚟呢。
一分耕耘，一分收穫。由望清個心開始。
更多其他 身心靈｜瑜伽 內容分享可到
Kristen Chan's Instagram @breathewithkristen :