如何選擇合適的瑜伽練習舍
練瑜伽嘅地方，除咗地點「就唔就腳」、環境裝修「靚唔靚」，更重要係空間嘅氣息（氣場），即係空間瀰漫嘅記憶。
正氣嘅空間，踏入去，咩都唔使做，已經好過喺出面唔好嘅空間練十萬樣嘢。
咁咩叫好嘅空間呢？
對想穩定地練上去嘅瑜伽人，一個正氣嘅空間會係：
- 光線充足
- 空氣流通/乾爽/溫度適中
- 乾淨、冇怪味（人工香精香薰等）
- 有足夠活動空間
- 冇乜多餘嘅嘢（四面鏡/裝飾物等）
- 聚到一班恆常穩定地練習嘅共學
- 令人心安、自在的
人係最關鍵的。
空間氣息好大嘅變數都係人。主場嘅人、出入嘅人。教嘅人，學嘅人。如果有班人恆常穩定地喺同一個空間正正經經地練習，呢個空間儲住嘅會係呢班人一日一日正經練習嘅痕跡，受惠嘅係每日出入嘅人。
相反，教嘅人學嘅人練嘅嘢都飄飄忽忽，風風火火毫不安定，有一日冇一日，又或者人來人往，每日都有唔同嘅新人出入，呢個空間儲住嘅就會係雜亂、躁動嘅記憶。連帶出入練習嘅其他人，都會受到呢個氣場影響。呢個，亦係走場、租場瑜伽老師要面對嘅煩惱之一。
攝於中環般那瑜伽工作室 Prana Yoga HK。
穩定嘅老師/穩定嘅共學/穩定嘅空間，夾埋一齊，練習係事半功倍嘅事。
瑜伽，好好練，一定會提升身體意識、感知能力、覺察力。久而久之，你會知道一個空間到底適唔適合自己練習、值唔值得逗留。
#空間記憶
#身體意識
#瑜伽練習
#breathewithkristen